....eða kannski bara ekki.....
Finnst þessi yfirgengilega umfjöllun um brotið leirtau SOLDIÐ ýkt! Sorrý. Var að lesa þetta blogg hér, og get bara ekki verið meira sammála. Á meðan við erum að drukkna í fréttum um brotið leirtau, ónýta flatskjái, og bókahillur sem fóru á hliðina heyrist lítið sem ekkert um NÁTTÚRUHAMFARIRNAR í Kína, þar sem síðustu tölur herma að 80 ÞÚSUND MANNS eru talin af. Eigum við að koma okkur niður á jörðina kannski?
Ekki misskilja mig: Ég hef fullan skilning á því að það er ekki gaman að koma að heimilinu sínu í rúst, og eiga ekki einn heilan disk til að borða af, eða bolla til að drekka kaffið úr. Og ég af öllum skil tilfinningalegt verðmæti hluta! Believe you me, annar eins safnari og ég hef sko meira en FULLAN skilning á því! En hamfarir verða þetta seint taldar í mínum kokkabókum! Hamfarir eru þegar tugir þúsunda látast, og enn fleiri látast í kjölfarið vegna skorts á mat, vatni og grunn-nauðsynjum. Tábrot og skrámur eru ekki þar talin með!
Er ég ein af fáum að finnast þetta full-amerísk móðursýki? Ja, kona spyr sig....
Finnst þessi yfirgengilega umfjöllun um brotið leirtau SOLDIÐ ýkt! Sorrý. Var að lesa þetta blogg hér, og get bara ekki verið meira sammála. Á meðan við erum að drukkna í fréttum um brotið leirtau, ónýta flatskjái, og bókahillur sem fóru á hliðina heyrist lítið sem ekkert um NÁTTÚRUHAMFARIRNAR í Kína, þar sem síðustu tölur herma að 80 ÞÚSUND MANNS eru talin af. Eigum við að koma okkur niður á jörðina kannski?
Ekki misskilja mig: Ég hef fullan skilning á því að það er ekki gaman að koma að heimilinu sínu í rúst, og eiga ekki einn heilan disk til að borða af, eða bolla til að drekka kaffið úr. Og ég af öllum skil tilfinningalegt verðmæti hluta! Believe you me, annar eins safnari og ég hef sko meira en FULLAN skilning á því! En hamfarir verða þetta seint taldar í mínum kokkabókum! Hamfarir eru þegar tugir þúsunda látast, og enn fleiri látast í kjölfarið vegna skorts á mat, vatni og grunn-nauðsynjum. Tábrot og skrámur eru ekki þar talin með!
Er ég ein af fáum að finnast þetta full-amerísk móðursýki? Ja, kona spyr sig....
 | Tveir eftirskjálftar um 4 að stærð |
| Fyrst birt 31.5.2008 | 04:58 | |
Athugasemdir
Þetta heitir MEÐVIRKNI........
alveg augljóst að þú varst ekki hérna stödd. Ég bý hinsvegar á Eyrarbakka og ég get fullvissað þig að málið snýst ekki (EKKI) um brotna bollastellið frá Stínu frænku heldur um fjölskyldur sem sátu grátandi við vegakantinn vegna þess að þau þorðu ekki aftur inn á heimilið sitt. Málið snýst um heimili sem voru lögð í rúst af ógurlegum krafti sem fékk fólk til að endurskoða líf sitt enda voru jarðneskar eigur út um allt. Við hjónin vorum að hugga fólk sem hafði hrunið í gegn um glugga, blóðugt og beinbrotið, stjarft í sjokki eða hágrátandi. Eldhús þar sem ískápurinn hafði opnast og hvolfst ofan á eldavélina og allir eftir skáparnir brotnað af ofan á alltsaman. Klósettin sem höfðu brotnað og veggir laskast -að sumu leiti hrunið.
Og þú Berglind ætlar að segja þessu fólki að líta til Kína? Að kona á blogginu hafi metið þeirra ófarnað sem ónógan til að kallast hamfarir? Meðvirkni, Haraldur? Er harðúð hjartna ykkar ekki farin að blinda ykkur eilítið sýn?
Ragnar Kristján Gestsson. Það var 2ja ára drengur ásamt afa sínum sem vað fyrir því að brenna lífshættulega þegar gassprenging varð í húsbíl. En þetta gerðist í Grindavík, og kom jarðskjálftanum ekkert við. Væri ekki möguleiki að fá að láta draga húsvagninn til Selfoss til að gera þetta umtalverðara og umtalið um ykkur meira sem töpuðuð innanstokksmunum og sáuð bílana hristast á bílastæðunum, svo betur verði tekið eftir ykkur. Barnið sem brenndist liggur núna milli heims og helju á sjúkrahúsi og það er varla minnst á það, því það gerðist ekki í jarðskjálftanum. - Aumingja þú -.
Kær kveðja
Björn bóndi.
Af hverju heldur þú að þetta snúist um mig? Eða um að komast að í fjölmiðlum? Þetta snýst um fólk, manneskjur og mig tekur jafn sárt til þessa litla drengs og allra hinna litlu drengja sem ég sá grátandi af hræðslu. Það sem ég er hinsvegar að gagnrýna er að tilfinningadeyfðin er orðin svo svakaleg að ef ekki "tugir þúsunda látast, og enn fleiri látast í kjölfarið vegna skorts á mat, vatni og grunn-nauðsynjum" þá tekur því ekki að fjalla um það. Og það í heimalandi okkar. Ef þið fjölmiðlasoltni heimur fáið ekki ykkar skammt af blóði þá er kvartað og kveinað yfir hve hörmungarnar eru orðnar slappar - í samanburði við hinar og þessar þar sem ÞÓ þetta og hitt gerðist. Það er nefninlega svolítill munur á því að hafa fólki að moka út lífi sínu í kerru útá hauga, og að lesa um það í 24Stundum. Heldurðu að barninu liði betur ef þú gætir lesið í smáatriðum um sár þess í Mogganum? Hvern varstu að hugsa um þá?
Það er ekkert annað en hræsni af fjölmiðlum og þér að vilja kalla þetta stórum nöfnum.
Auðvitað finnum við til með þeim sem urðu fyrir EIGNATJÓNI, en eignum blæðir ekki og þær fást endunýjaðar.það má líka benda á að það er hluti af lífinu hér að búast við jarðhræringum svo þetta er nú ekkert nýtt að jörðin skjálfi svolítið.......og það þýðir ekkert að væla yfir eignatjóni þegar ekkert manntjón verður.
FRIÐUR ( fæst með jákvæðni og húmor )
Ég held að það sem hafi farið verst með fólkið sem ég talaði við var óttinn, þessi nagandi kvíði yfir því hvað gerðist næst - hvað með í nótt eða á morgun? Auðvitað beittu allir þessu sljóa vopni: jákvæðni og húmor en það virkar bara stutt þegar þú veist ekki hvað verður um börnin þín.
Og síðan finnst mér það skammgóður vermir að vita að aðrir hafi það enn skitnar, Egill sagði reyndar að svo skyldi böl bæta að bíða annað meira - ekki þó að heyra um annað meira.
Er þetta ekki hræsni.......?
Ég er einmitt að setja út á fjölmiðla.......og þennan ofsa í meðskjálftavirkninni.
Annars get ég ekki vorkennt eignum og þeim sem töpuðu eignum, svo glaður er ég yfir því að enginn sála tapaði lífinu.
Mannskæðar hörmungar á hamfarasvæðum í Kína og víðar eru réttilega ekki "sambærilegar" við Fyrir-austan-Fjall-skjálftann...
EN Hver og einn á sinn eigin raunveruleika; varla minnkar sársauki í svöðusári þótt maður frétti af e-m öðrum sem meitt hefur sig "miklu meira"
Sem sagt, lít á allt ofangreint sem réttmætt, þyrfti bara aðeins að krækja það saman